最近 Collaction 小隊除咗參加咗由康樂及文化事務署主辦嘅社區專題嘉年華系列 - 元創者之外，仲去左兩間粉嶺區同荃灣區嘅中學，向同學仔分享 Snappy 香港街景相片資料庫嘅故事，更重要嘅係，教識佢地可以點樣係自己嘅 Project 度用到 Snappy 上面過千張嘅照片進行專題研究！

以前我地要做 SBA 校本評核，做嚟做去都係啲好悶嘅題目。原來而家嘅中學生已經唔係再做 SBA，而係做 IES 獨立專題探究，題目自由度同彈性都好好多！希望 Snappy - 香港街景相片資料庫可以幫到呢班中學生完成佢地嘅 IES 啦！XD