又到咗九月，又係月餅大賣嘅月份，勁多人已經有幾盒揸手。今年中秋，我哋同足印義工隊為基層市民、獨居老友記、露宿者及小型 NGO 募集月餅，由今日起至九月廿二日，接收各界月餅分享。
我哋會收集：
－ 月餅券：歡迎郵寄，足印嘅手足會係9月22日各大酒樓換領
－ 月餅：要麻煩各位 Juppers 暫存一下，我哋要 9月16之後至收，事關倉庫要時間調動空間。
• 注意返，基於食物安全嘅考慮，需雪藏／已開封嘅月餅唔收（未開封嘅獨立包裝月餅都無問題，無論一盒或一隻月餅都收！）
暫無收集數量目標，但求收幾多派幾多，9月23向各單位發送，齊齊食住月餅過中秋。
詳情要留意返我哋 Facebook 專頁。
