[師奶x同志] 好似好陌生嘅兩個社群 透過知識交換，我哋互相學習，有機會坐低認識交流 我哋同阿靚相識於一個性別平權會議 (反轉會議＠香港2017)，傾咗呢個諗法出嚟。PrideLab 就向HER Fund申請撥款 - 「連結性/別」學習平台計劃 ，好感激阿靚同天水圍社區發展網絡願意率先同我哋合作。 過程中，無論係我哋走進天水圍教影相拍片用IG 定係佢哋出城教我哋整環保手作，參與者都係投入同開心，氣氛熱鬧！ 唯有面對面相處嘅時候，我們先可以更加了解認識對方，尊重唔同嘅朋友。