Welcome to Collaction. Continue your journey in English.

Onelawyer 訴訟有門 (法律服務搜尋器)

遇上法律問題要搵律師,市民沒有門路,只能靠口碑、問相熟親友,或從社交圈子搜尋,但又要擔心費用問題,無從格價。 Legit由傳媒人、創科人及律師創立,透過「一鍵搜尋」、一站式比較常用法律服務收費,提升透明度和法律服務可達度,鼓勵市民增加使用法律服務。
Conducting Focus Group
Holok

Conducting Focus Group

The OneLawyer team is currently conducting focus group to help identify the users's needs! 

Here is a record of one of our focus groups: 


參加者背景介紹:

W

31歲,已婚,有一子, 從事基金投資分析員, 有投資初創經驗,使用手機參與測試,使用中文版


B

 31歲,未婚。 從事銀行分析員,目前在世界銀行工作,有投資初創經驗,使用手機參與測試,使用中文版


J

31歲,已婚,非執業律師,使用手機及平板電腦參與測試,使用英文版


過程:


先向參與者發表task one


Task One 你想結婚,要找律師證婚,不需要做文件,只需證婚

你的婚禮是在本年12月16日(星期日)中午於馬灣一間會所舉行

你希望你的律師會說普通話,因為你有不少內地親友參與


反應:

  1. 使用英文版的J表示,睇英文版睇睇下變返中文。
  2. 「加盟」 Bar太大條
  3. 英文"Marriage/ Getting Married"意思重複,所有bar字要從頭執
  4. 搜尋結果重複出現兩個廖成利
  5. Click錯咗按back返唔到轉頭,要從頭search過
  6. 冇解釋點解search唔到,係因為揀漏咗啲乜嘢
  7. 另外要考慮下以要喺第一頁加入價錢filter
  8. 三人同時表示如果使用手機唔覺得橙色search bar 似係一個要㩒落去嘅製
  9. Search掣下面有箭咀,如果其他掣都有會好啲
  10. 呢個係比較嚴重嘅問題:佢係地喺點選「地區」嘅時候,誤以為「地區」嘅選項,係代表住佢哋想選擇嘅服務所位於嘅地區。其實我哋嘅「地區」選項,係講緊律師行嘅所在位置,咁喺上面呢一個task,大家就揀走咗「香港島」,只有「九龍」同埋「新界」,結果就冇律師嘅選項出到嚟,因為大部分律師樓嘅位置都係喺港島。
  11. J表示”experience”(「年資」)比較混淆應該改為「律師年資」(rather than just 「年資」)。我哋詢問其餘兩位使用中文版嘅人有冇呢個情況,佢哋就話冇混淆。



之後向三位參加者發佈Task 2,要求佢哋喺以下嘅情況下搵律師

Task 2 你的朋友致電,說自己因為偷竊被捕,現在警署。

你希望立即找律師為他保釋。


  1. 佢哋認為被捕/保釋/求情/海關/廉政後兩者比較混亂,一般人唔係太知道有乜嘢分別。
  2. B問求情同保釋有乜嘢分別。主持解釋保釋係剛被捕嘅時候發生,求情係定罪之後先至求情。他就表示一般人唔係太識分。
  3. 三人都表示點擊入去之後如果唔係一開始就睇到search result,會比較混淆(目前係一大堆說明文字,如果喺手機入面睇,要碌到好低先至見到搜尋內容)。
  4. 目前頂頭嘅說明文字未翻譯成為英文,即使英文版仍然只會見到中文說明
  5. W認為,選項越少越好,希望係三個tab以內就完成搵到想要嘅人
  6. 被問到律師有冇刊登照片,分別大唔大,佢哋都表示會有少少影響,但係唔係最主要嘅決定因素。
  7. B建議拎走律師嘅電郵地址,否則人哋就會自己電郵嗰律師,無需要透過留言表格,用網站嚟留言聯絡律師。
  8. 目前網頁提供兩種選擇,被問到咩時候會選擇自己打電話搵律師,幾時會透過表格來留言,J and W都表示傾向打電話,如果打唔通,就會電郵。B 就表示傾向電郵同埋whatsapp。



Task 3 首頁嘅觀感

A問大家對於首頁同埋整個網頁嘅觀感


  1. W發現首頁嘅「立即加盟」係點擊唔到落去嘅
  2. 「搵律師點開始」呢句tagline喺手機入面係顯示唔到
  3. 至於榮譽顧問頁,佢哋就認為「榮譽顧問」應該行先個「創辦人」
  4. 「榮譽顧問」嗰一頁應該要有照片,看起來比較正式
  5. 啲掣應該有返個箭咀,令人覺得係可以點擊落去


Task 4 捐款經驗

主持問大家假設你想捐款支持我哋你會點做


  1. 三人都順利搵到「支持我們」嘅按鈕
  2. W有少少被「感謝眾籌支持者」嘅一頁distract咗
  3. 點擊之後好快被轉咗去Umadax籌款網站。三人都表示睇唔明個籌款網,搵左一陣都搵唔到捐錢嘅掣。
  4. 基本上覺得介面唔靚又難用


Task 5 想知道更加多法律常識你會點做

主持問想知道更加多法律常識你會點做

  1. 大家於事都好順利咁樣,click咗去睇「請律師常識」嗰一版
  2. 大家發現如果用手機嚟睇嘅話,旁邊嘅目錄會擠到佢最抵,未能夠喺側邊顯示,大家嘅建議係將佢變成q&a,平時收埋,被點擊嘅時候先至彈出嚟


Task 6 其他

主持問大家有冇其他意見


  1. B認為嗰啲合理嘅排序應該係:關於我們>法律常識>支持我們。「加盟」嗰度唔應該首頁有個掣,因為都唔係針對一般使用者。


  1. 目前如果未揀選服務,會有一項提醒,但就要出去前頁再揀過。有人問可唔可以直接喺嗰度有紅字,講明唔記得咗揀啲乜嘢,再揀返。


討論區留言板

主持跟住解釋留言區問問題嘅運作,再問大家會唔會留言亦都問律師會唔會答問題。


  1. W and B 就表示會留言,不過會講得非常之大概,因為唔想公開披露太多個人嘅資料。


  1. J作為律師,就表示唔會答問題,因為認為法律行業嘅訓練係律師要非常之小心,要避免出錯,所以最驚係答錯,有一點兒答錯嘅機會都唔想冒險。


擊鼓鳴冤區

主持之後解釋擊鼓鳴冤區嘅操作,再問律師會唔會喺嗰度搵生意。


J就表示,如果真係冇生意,都會去嗰度接。


限時優惠

主持解釋咗限時優惠。

W懷疑會引到幾多生意,同埋有幾多種法律服務可以咁樣唔就時間去做。


整體

再問咗幾次整體上有冇咩問題,基本上都係覺得好好。主持問覺會唔會似社企,大家都覺得網站嘅介面唔似社企,覺得比較商業同埋專業。

小額支持項目

喜歡這個項目?小額支持使他們為社會帶來更多創新元素!

$

Collaction 拉近您和您最關心的社會話題

Onelawyer 訴訟有門 (法律服務搜尋器) 透過 Collaction 管理項目及尋找各路英雄的協助,在這裡您可以追蹤有趣的社會創新項目,並以您的力量一起協作更好的社會。

您也有好的故事及有趣計劃?加入 Collaction 介紹您的項目!

加入 Collaction 了解更多

追蹤我們

LANGUAGE / 語言

© 2014-2019 Made with by Collaction Team.