今次係小朋友最後確認禮物清單嘅機會，第一要驗證下佢地心目中諗嘅係咪長者想要嘅，第二係先前一啲禮物寫得比較概括，例如廚具、清楚用品，佢地就要睇得更仔細啦。

第三次見面，大家熟絡咗，小朋友都無之前咁怕醜，大膽同公公婆婆傾計，仲邀請佢地參加下個月起李鄭屋遊樂場嘅社區換物會添！佢地仲未知道小朋友為佢地募集禮物㗎，希望到時會有驚喜！​​​​​​​

另一件開心事就係已經收集到舒伯伯想要嘅錄影帶機啦。其實陸續有市民透過唔同渠道睇到獨居長者們嘅需求後，主動聯絡我地分享物資，大家不妨留意即將出爐嘅終極禮物清單，睇睇有無適合分享嘅物品啦。​​​​​​​