反抗香港嘅音樂壟斷，還我創作聆聽嘅自由
我地希望可以做一個音樂平台，俾唱作人去自由分享音樂，或者以音樂為生。唔需要再投靠投機取巧嘅商人，盡情去釋放自己嘅才華。
我地希望可以做一個音樂平台，俾聽眾自由選擇自己既音樂，從「倒模」音樂釋放出來。
香港商業音樂已經走到窮途末路，樂壇被壟斷，機會被壟斷。香港既年青人只可以聽外國嘅歌曲先接觸到優秀嘅作品。讓人絕望既「洗腦」音樂正充斥住整個香港樂壇。
香港唔係無好嘅唱作人，而係呢啲機會都唔係屬於佢地。更多唱作人因為生計，因為無聽眾而放棄咗佢地嘅夢想。
商人從來都唔係藝術人嘅好歸宿，香港商人尤甚！投靠佢地同出賣靈魂無乜分別。
免費平台，其實都係魔鬼，點出名法。賺錢嘅都係個平台。免費俾唱作人用黎分享，唔代表佢唔賺到錢，更唔代表佢地會分錢俾你或者讓唱作人可以依靠佢地賺錢為生。唱作人唔係神仙，佢地係人，都係要食飯。佢地辛苦做出黎嘅心血結晶係咪一定要俾免費平台吸血？
「Indie Music」係我俾呢個問題嘅答案。
－－－－－－－－－－－－－－－－－－－－－－－－－－
ALGO 是一個寫程式團隊。
以編程去改變世界係我地既宗旨。
「Indie Music」來源自一同音樂朋友既對話。香港樂壇基本上已經係被壟斷。樂壇幾乎只有「倒模」、「模仿」。「倒模」－即首首歌曲，無論旋律、詞風、唱腔、題材都似到十足十。「模仿」－即抄外國某些流行風格。簡單啲講，即係一啲創新都無，賺錢係佢地唯一關心既事情。
創新既人往往反而係被扼殺既對象。
香港樂壇以外，其實仲有一班獨立音樂人。佢地有心有力，亦有一班聽眾。問題佢地基本上係俾「樂壇」打壓既一群。不能以音樂賺錢，音樂只可以做業餘，仲要自己出錢出力，好多好正既音樂人因為生活壓迫，只能一閃而過，留低一兩首歌，同更多既遺憾。
「Indie Music」包括
- 一個Android/IOS 音樂播放器，與Spotify 相類
- 一個發佈平台用以處理數碼音樂及發佈到各平台
- 登台活動配對平台
- 幾套收費／免費營運模式
音樂人可以自由分享音樂，免費／收費自由選擇。無論免費還是收費，聽眾仍可以享受到比Spotify更好服務。音樂人自己可以收錢賣歌登台，根本不再需要俾音樂發行商壟斷封殺。
聽眾可以享用自由既音樂，唔使成日都被迫聽「倒模」音樂，重新獲得選擇音樂既自由。
平台自行營運好似維基咁，以捐款運行，唔會對音樂人／聽眾收費分成。
運作示意圖
