大家有冇好奇，發起人點解會整一個實體分享站出黎？其實部份靈感源自下圖呢個櫃。

話說發起人其實暫時喺德國生活中，呢個叫「GIVEBOX」嘅櫃, 就喺發起人屋企嘅附近。所有人都可以將家中多餘物資放出黎，又或者可隨便拿走。（睇到呢度，大家有無覺得似曾相識呢）

呢個櫃都幫咗發起人唔少。發起人新搬來時拿過碗碟啦；得閒無事做就拿走件衫去當布車一點小物品；有時又搵到d 好書；過聖誕節，不想特地花錢買裝飾，都在這找到不少。不過當你一直「取」嘅時候，亦都會有想「擺」的衝動，尤其......每次買錯野的時候（喂）（講事實）所以其實發起人都擺過唔少野落去。每次經過見到有人拿走，都會有種莫名的開心。雖然我唔啱用姐，但唔代表其他人都唔啱?「己所不欲，物施於人」，似乎都唔係啱得哂（？）起碼我自己都拿過好多其他人「不欲」嘅野。

這個Box 我觀察了很久，它從來沒有太多或太少物品的情況出現。而且，上面一條規矩也沒寫。所以發起人得出了這結論：原來靠只靠自律是可行的。

後來，當發起人想到要在香港搞這活動時，一直以這個櫃為參考。德國的整個food sharing campaign裡，也有一種有食物分享站的，叫做「Fairteiler」。不過，發起人其實還未有緣親身見到。（另一種形式是用Facebook，直接約交收）所以這個GIVEBOX便代替了Fairteiler，讓我親身感受到與人分享物資的樂趣。

發起人相信香港人有這種素質，可以讓這種概念生存。只是要像這個櫃般豎立在街頭？現在還有點難想像。

不知道香港會不會有街上滿是這些櫃的一天？擺食物的也好，擺物資的也好......