你班香港人搞乜鬼呀！每次有食水安全問題，就話係我 — 焊料嘅錯。

唔該大家理解一下我嘅成份，研究一下有無可能係我先，而且我係你哋人類合成出來嘅，用得正確，我又點會令到食水唔安全呢？

上次鉛水事件，明明有其他供水系統物料會釋出鉛，甚至釋出其他重金屬（食水含有過量嘅鎳和鎘），但香港政府仍然要我食死貓，好似我係罪大惡極！

今次食水有 copper residue （藍色粒粒），都未搞清楚成件事，又話係我！???

其實今次係有水喉匠落得太多 flux (助焊劑），英國1999 年嘅 solder and flux guideline 已經提過助焊劑一般都含有 chlorine 或 hydrochloric acid…...等，加熱後會有腐蝕作用。用得過多，會腐蝕銅喉，令銅喉生銹，再釋出銅 residue。但香港水務署似乎完全唔知道有這個指引，而俾水喉匠嘅 training 都無包括這一點，所以先會導致到有咁嘅問題。大家千其唔好以為銅喉唔會生銹先得，不過我聽聞過香港水務署有位 chief chemist 真係以為銅喉係唔會生銹，都唔知佢點保證香港嘅食水安全！

由於助焊劑嘅腐蝕功能，所以唔好用過量及要將殘餘嘅抹走......當然，助焊劑嘅 MSDS [1] 講得好清楚，希望大家唔好再亂用我嘅朋友同我，到發生問題時，又話係我哋嘅錯！

－－

[1] Material Safety Data sheet（ msds.com ）