歡迎來到 Collaction,我們亦提供 繁體中文版本

維修香港-關懷社區服務隊

維修香港透過探訪及提供維修服務,關顧社區內的弱勢社群,從而喚醒對社會事務的公民參與。
旺角清場被指偷竊 冷氣技工獲官讚品格良好 脫罪後站得更前
Rasaid Tsang
Published on

旺角清場被指偷竊 冷氣技工獲官讚品格良好 脫罪後站得更前

三年前的9月26日,雙學重奪公民廣場,為雨傘運動揭開序幕。79個轟轟烈烈的日與夜過去,雨傘運動戛然而止。三年來,雨傘運動牽動著很多人的生活。

雨傘運動以來,有1,003人先後被捕。 截至今年1月底,共有216人已經或正在接受司法程序處理,其中123人須承擔法律後果,包括81人被定罪、42人須簽保守行為,他們背負非法集結、縱火、藏有攻擊性武器、刑事毀壞、襲警等罪名。眾新聞製作「社運抗爭資料庫」,記錄逾200位捲入訴訟人士的資料,追蹤他們的司法歷程。

其中一名被捕者,是雨傘期間每晚在領佔區做後勤工作的冷氣技工黎文浩,他在旺角清場後,應朋友請求幫忙處理物資,結果被警員拘捕,最初指他處理贓物,後來改控偷竊,經數次法庭聆訊後,獲裁定罪名不成立,法官更在庭上讚他品格非常良好。

由被捕到審訊,歷時超過一年,如今回首,黎文浩猶有餘悸。不過,他從來無怨無悔,官司過後,他比以前站得更前。

維修香港-關懷社區服務隊因雨傘運動捲入官司,無阻黎文浩參與社運的決心。何君健攝


去年中,傘後義工組織「維修香港」的創會會長有意退位,組織裡有心的義工眾多,惟沒有人願意擔大旗。自創會時就加入做義工的冷氣技工黎文浩見狀,當仁不讓,便當上了新一任會長,此後各式文件要由他簽名、對外的大小會議又是他代表出席。黎文浩笑言,捲入官司讓他見過世面,壯大膽子:

我『臭格』又入過、法庭又上過。只要係光明磊落、伸張正義就得。我唔會好似其他人咁,話我唔可以露面又唔可以盛。

現年31歲的黎文浩,不像其他活躍於鏡頭前的「傘兵」那麼能言擅道。記者問他一句,他往往只是簡短答幾個字,說話斷斷續續的,幾乎沒有抑揚頓挫,表情略為呆滯。生於基層家庭的黎文浩,從小到大都不是朋輩中標青的一個,他會考得3分,中五畢業便到職業訓練局讀冷氣維修,但求學得一門手藝,日後腳踏實地搵到兩餐。

他只是一個關心社會的平凡香港人。

黎文浩記得,三年前的9月28日,他正與朋友燒烤之際,電視直播金鐘掟催淚彈,他驚覺事態嚴重,即時放下燒烤叉、食物,坐地鐵出佔領區,惟金鐘站已經關閉,他遂於銅鑼灣下車,最後在銅鑼灣留了一晚。此後的70多日,他每晚放工後,都會到金鐘或旺角佔領區幫手,主要是做後勤支援工作,如看守物資、修理帳篷等。

維修香港-關懷社區服務隊黎文浩製作的命運自主台模型,在今年雨傘運動3周年紀念活動中展出。何君健攝


維修香港-關懷社區服務隊

旺角清場後,一個在佔領區認識、貨Van司機朋友跟他說,他車上有雨傘物資,怕被查出,會惹上麻煩,於是請他幫忙找個地方暫存物資。黎文浩當晚登上貨Van,其後再有數名佔領區的朋友上車,貨Van在旺角一帶兜了又兜,最終在一個地盤外停下,他們下車,將卡板、膠馬、沙包、雪糕筒等卸下。「(卸咗)一半都冇,就有部私家車,原來係警車,但你唔會知係警車嚟嘅,啲便衣警察即刻落車,衝過嚟,就逮捕我哋。」他憶述,警員當時要求他們面牆跪下,雙手放身後,不准向後望。有警員問:「偷返嚟㗎啲嘢?堵路呀?」被捕者大多不說話,有人答:「冇呀,冇偷嘢。」有人惶恐求饒:「我冇偷嘢呀,放過我啦。」警員反駁:「有膽偷,唔夠膽認呀?」

他記得,當時有警員說:「落晒啲嘢落嚟,影返輯靚沙龍先。」他好奇,偷偷向後望,「我發覺到佢哋擺到成個陣,攔住條馬路咁,跟住先影相。但我哋落嗰啲(物資),係放埋行人路上面,靠牆邊。」黎文浩坦言,當時他也很害怕,不敢說什麼,「第一次被捕,腦裡面一片空白,唔知點形容。我嗰時驚嘅程度係,(怕)呢度冇閉路電視,佢想點就點㗎喇。」

被捕者其後每兩人一批登上警車,被送到何文田警署。「上警車係最恐怖,因為警車係最冇仇報嘅地方。左右會有警察夾你,佢已經講嘢,好似誘導你認啲嘢係偷返嚟、認堵路咁。」在黎文浩身旁的警員,一個口吻溫和地對他說:「做咗咪做咗囉,一句啫。」「你做得出,唔夠膽認,懦夫嘅行為喎。」另一個惡言相向:「你信唔信我郁你呀?」「你做咗唔認,睇嚟唔可以對你咁客氣。」黎文浩表示,一旦他不答話,或者否認偷竊、堵路,就會被警員扯頭髮。他又指,過往有聽佔領區的朋友說過在警車上被打的經驗,所以他在車上一直戰戰兢兢,幻想自己被打,幸而最終沒有損傷。

到達警署後,黎文浩及其他成年的被捕者隨即被安排入俗稱「臭格」的臨時羈留室。他不敢通知家人,只是在「臭格」與其他被捕者商討如何應對,他們當時估計,最多被扣留48小時,「我諗,死啦,第二朝咪番唔到工。」除了落口供、填文件等程序,他們大部分時間都關在羈留室。冬季晚上,漫漫長夜,黎文浩開始心緒不寧:「裡面好凍,我加咗兩張氈都係覺得好凍。喺個又肚餓又凍嘅環境中,個人就開始亂諗嘢,向衰嗰邊諗:將來會點?」

他記得,同一羈留室內,有一個未夠18歲的中學生,表現得很擔心,「佢面都青晒,話好驚,唔知第時有冇案底,從來都冇俾人拉過。」黎文浩和其他被捕者安慰他說:「我哋出嚟做嘅嘢係正義嘅,如果佢哋要屈我哋呢,應該係會打得甩,唔會有事,我唔會俾你有事嘅。」 他坦言,其實自己心裡同樣恐懼,他想到那學生比他遲上貨Van,如果自己被入罪,對方很可能都會出事,「嗰時我覺得連自己啲隊友都保護唔到,心情好失落。」

黎文浩想到自己,忍不住也哭起來,「我已經冇乜能力去養活屋企,冇啲乜嘢交到俾屋企。我向衰嗰邊諗,如果我多咗條罪,有個案底嘅話,咁咪更加難搵食囉?可能仲成為屋企嘅負累喎。」父母在他年幼時已經離婚,他一直與媽媽及兩個弟弟同住土瓜灣唐樓,黎母在安老院做護理員,他做冷氣技工,二人的收入僅夠餬口,一個弟弟打散工,朝不保夕,另一個還在學。「最驚係我屋企冇錢,點打官司?我身家清白,唔會做大賊,根本就冇諗過會遭受到呢啲經歷。」

被困「臭格」40多小時後,警方讓他自簽保釋,此後每個月要到警署簽到。黎文浩指,他上司很開明,也支持佔領者,請假簽保不成問題。不過,他的收入是以日薪計, 不工作就無收入。「我個個月請假係為咗去(警署)簽到,周而復始咁樣去簽到,你會幻想佢好似點鋤你都得,原來佢可以無限期咁樣去折磨你嘅精神,等你提心吊膽。佢又唔講明會告你啲乜嘢,或者幾時會告你,拖住你嘅生活。」過了大半年後,他下定決心「踢保」。 

維修香港-關懷社區服務隊黎文浩被捕後繼續參與「維修香港」義工活動,為基層市民維修家居。「維修香港」會址展示出部分活動相片。何君健攝


數月後,黎文浩就收到警方通知,說要告他處理贓物罪。他初時手足無措,幸而511傘下支援組知道他的情況後,主動為他打點,並找了一名大律師幫忙。黎文浩指,案件展開聆訊後,同案排在他前面的一名被告決定認罪,相信可獲撤控並自簽守行為了事,「揀守行為係好方便,但我哋唔想。」他解釋,一方面認為自己沒有做錯事,另一方面是不想為較遲上貨Van的後生仔女添任何麻煩,他決定不認罪,如果最後他能被裁定無辜,相信會對後面的被告有利。

其後一場聆訊,有一名被告轉為污點證人,控方遂將黎文浩的罪名提升至偷竊。污點證人在庭上陳述案情時指,黎有份搬物資上車,又承認偷取電訊公司、工程公司的物資。控方又找到相關公司的人員作供,表示認出車上的物資屬於他們的公司。黎文浩指,但當他們被盤問時,卻答不出物品上有什麼特徵、標記,足以辨識出物品屬於他們。黎文浩坦言,當時感到被屈,認為控方做法很「離譜」,「嬲嘅位係,控方將啲唔係事實嘅嘢,夾硬要搬上法庭去指控我哋。」

最後那場聆訊,黎文浩的代表律師原定會傳召一名品格證人, 以證明他有做「維修香港」的義工,幫街坊維修家居,並準備好他做義工時拍下的照片。黎文浩憶述,法官當時說,被告的品格「非常良好」,不需要品格證人,他聽罷流下眼淚。法庭最終裁定黎文浩偷竊罪名不成立。「我以為法官通常會信公權力嗰邊嘅人嘅口供,但佢相信我嘅口供。嗰一刻,我只係覺得自己好好彩,鬆一口氣,都覺得幫到後來上車嘅被捕者。」

黎文浩指,在三、四次聆訊期間,他只有一次答辯機會,「我咪話我冇去過污點證人講過嘅地方,冇參與過,嗰陣時我唔喺度。講番啲事實出嚟。之後上車嘅人唔知後面有咩,我上車嘅時候都冇留意後面有咩嘢。」記者問,他是如何令法官信服?他呆了半晌,緩緩道出一句:「我都係照事實咁講。」

黎文浩仍記得那時的忐忑不安,深怕在庭上表現得不夠好、答辯時講得不夠清楚,緊張得上庭前一晚失眠。由被捕到被判無罪,被折騰超過一年,他膽心過被警察打、被屈犯罪,又怕一旦被起訴、罪成,未來留案底,會無工開,拖累家人及其他同案被告。那段時間,他足足瘦了一圈。不過,他直言不後悔參與社運,「正義嘅嘢係要出嚟做。」

結案後的一年多,黎文浩站得更前,去年接任「 維修香港」會長,繼續在社區層面推動公民參與。捲入官司的痛苦經歷,亦令他積極支援其他社運抗爭案件的被捕者。「13+3出晒名,一定有人支持,又話幫佢哋籌款、幫佢哋屋企,但係仲有好多無名小卒,人哋喺(監獄)入面受緊(苦)。」他續稱,近期有支援良心犯、社運抗爭者的活動,聚焦於被律政司覆核刑期的反東北案13人及重奪公民廣場案雙學三子,他會向主辦機構反映:「要撐埋其他義士,俾廣大市民知道唔止13+3。」黎文浩受訪時揭開「共同體」政治犯聲援音樂會的單張:「而家見到裡面好多人名,我就知道個音樂會唔係淨係撐13+3。」

維修香港-關懷社區服務隊黎文浩向記者展示「共同體」政治犯聲援音樂會的活動單張,上面刊登了117名因社運入獄人士的名字。​​​​​​​


 黎文浩說,他會親筆寫信或託探監者為他傳口訊,表達對13+3以外入獄人士的支持。「佢哋(放監)出嚟嘅時候,係背負住一啲罪名、案底,佢哋搵工、前途一定艱難。如果我可以幫到,我會盡幫。」


原文連結:https://goo.gl/JJ4iZm​​​​​​​

Back this project

Do you like the idea of this project? Crowdfunding can help project owners create more innovative initiatives for our society!

$

Collaction connects you with the social issues that you care about.

維修香港-關懷社區服務隊 is using Collaction for project management and to collaborate with the bright minds from this community. On this platform, you can follow interesting social innovation projects and empower the initiatives with your skills and resources.

Do you have an interesting story and innovative ideas? Join Collaction to showcase your project!

Join Collaction Learn more

Follow us

LANGUAGE / 語言

© 2014-2019 Made with by Collaction Team.