“天台是一個發夢的地方，由侷促的現實逃出，觸著天空呼吸，那片刻的自由。”

我地用左一年半載，將一個 垃圾崗天台，清乾淨再翻新，之前仲辦左第一次「天台放映會🎥」！邀請街坊擔凳仔上天台睇戲～

經過不同義工幾個月時間多次探訪傾談，帶領住戶一齊想像，住客 由忽視自己居住環境，到慢慢有意識去愛護，係一個個好好嘅社區營造實驗。我地就係想藉此灌輸 珍惜自己社區、改善自己社會 嘅意識。 有人肯落手落腳去改變，加上後來嘅人一齊守護，縱使一時三刻成效未必好好，但實踐先會帶來改革嘅希望💪