革命，係需要流血！咁多年黎，成功 cut 到有線既人有幾多？自從有線電視係網頁度收埋左個終止服務 button 之後，一直都有唔少人因為 cut 唔到有線而沉溺係痛苦之中，呢種痛苦既感覺，不可一，不可再！
最近，甚至有人為左 cut 有線，持刀闖入荃灣有線電視大廈，可想言之，佢係痛苦之中挣扎左幾耐。但講到尾，我都希望能夠同有線和平地解決我地之間既恩恩怨怨。
今日，我就想召集一班想 cut 有線但係 cut 極都 cut 唔到既人，我地集思廣益去構思一個 cut 到有線既方法！
另外，都希望有成功 cut 到有線既朋友能夠分享佢地成功 cut 到有線既方法，正所謂救人一命勝造七級浮屠，請伸出你地既援手，拯救呢班係水深火熱之中既弟兄！
同時我在止宣佈，希望能夠將以後每年既 9 月 22 日定為「有線革命日」，以此記念戈位持刀闖入荃灣有線電視大廈既 cut 有線英雄！
有線尚未 cut 到，同志仍須努力！讓我們用愛與和平既方式去搞掂有線（I mean cut 有線）！
