至今基督教性/別文化節已籌備5個月，籌委可樂就籌備過程面對一連串困難發表感言。

//話說呢個姿勢，唔係我諗，而係形體指導 Wheat Suen 幫我地諗。我唔知原意係點，我既詮釋係令人窒息既文化同政治打壓。寒蟬效應、白色恐怖殺到埋身。

詠春師傅話我份人太心急，幾年下來都改唔到。急就會亂，亂就會做錯野，會俾位人入。尤其是當你佔既身位，好多人想你死。

最近面對連番挫折，都係打掉牙齒和血吞。況且，愈是打壓得兇狠，愈是要沉著應戰。只要唔做錯事，撐到最後就贏了。

唯一好轉：我最近睇開左，唔再對Roger Wong 咁上心了。係，佢仍然好似縈繞在周圍的幽靈，仍會千方攻擊你，抹黑你，斷你米路。但佢也不過是我的心魔而已。

這個心魔，就是誤以為你有「一個」敵人。從教協禁止師生戀一事可見，最暴力的切割，往往來自身邊最溫情脈脈的人。權力層層交織，工具理性、管理主義和家長主義綿密交替, 把最後一點屬於身體與情感的自主也扼殺。受夠了把人矮化的「我是為你好」思維，夠了，家長們滾出校園罷！「師.生.共.治」邊隻字你聽唔明？

在苦苦支撐時，心想點解要掂「性/別」呢個議題丫，你淨係講貧窮，咪人人拍手囉！很想把君子光環往頭上套。而且，肯定少好多打壓、誤解......

性/別議題在香港，仍然是一個被放逐的議題。講性唔係因為我咸濕，而是因為我深知，在窒息的世代需要有一把尖銳的聲音，劃破長空。我們要做燈塔，讓那些滿身傷痕的孩子向著燈塔的光爬，讓他們知道有一個地方，不會把他們最私密的經驗拎黎道德審判。道濟天下之溺，本就是文人之責任，又何必羨慕他人錦上添花？

去！是時候去飲下酒激勵下士氣。