首先，我並唔係出生係一個完整家庭，「家」對我黎講只屬於一個唔洗交租就有得訓既地方。
其次，我文字表達方式十分差。
其次，我文字表達方式十分差。
我知道世界上並唔止得我一個對「家」有咁既睇法，往往會因為家長工作而忽略自己，令自己感覺「返到屋企等於對住四面牆，無人陪我傾計，肚餓自己搵野食，唔用電腦上網同人傾計會覺得好孤單。」久而久之，同父母關係愈來愈疏離，見面除左拎零用錢諗唔到有咩講。久而久之，反而習慣自己一個係屋企，反而愈來愈鍾意上網同人傾計、打機。
所以，我想整一個「家」出黎，一個唔洗怕無人氣，唔洗怕無溫暖，唔洗怕孤單，唔洗怕無人同你溝通既地方，一個屬於大家既安樂小窩。
詳細未諗到，但有幾個重點係我理念，亦係我想改變既野：
- 主題：溫馨，令人有種好溫暖充滿愛既地方。除左裝潢可以表現出依種感覺，仲有就係唔存在「店員」、「店主」同、「顧客」，只有「朋友」同「新朋友」。
- cafe有無得訓係其次，著重於建立人與人之間現實上溝通，而唔係Facebook，Lol，我好討厭對住死物講野既感覺，依d叫物與物之間既溝通。
- 我想成為別人既「心靈伙伴」，可以令人開心係我最大既滿足。
我唔需要果D知名OR專業，有咩唔係由零開始探索？我為左夢想，我會成為真真正正既糕餅學徙，唔再淨係識係屋企整小手作。
